Akta VaxtaTækifæri fjárfestir í breiðu mengi innlendra skuldabréfa, svo sem útgefnum af fyrirtækjum, bönkum eða opinberum aðilum. Markmiðið er að nýta þau tækifæri á skuldabréfamarkaði sem sjóðstjóri telur best að teknu tilliti til áhættu.
Stýringin byggist á mati sjóðstjóra á efnahagshorfum, verðlagningu á mörkuðum, fjárhagslegum styrk útgefenda og skilmálum skuldabréfa. Í stýringunni felst m.a. val á útgefendum, verðtryggingarhlutfalli og vaxtaáhættu.
Hentar þeim sem vilja fjárfesta í blönduðu safni innlendra skuldabréfa svo sem fyrirtækjaskuldabréfa. Sjóðurinn er opinn öllum fjárfestum og hentar þeim sem vilja ávaxta fjármuni til meðallangs eða langs tíma.
Gengi
Stofndagur
Rekstraraðili
Árleg umsýsluþóknun
Viðmið*
Kaup/Innlausn
ISIN
-23.10.2017
Akta sjóðir hf.
0,9%
NOMXIBB
T+2
IS0000029080
Stærð (m.kr.)
Lágmarkskaup
Rekstrarform
Árangurstengd þóknun
Gengismunur
Viðmiðunartími
Bloomberg
-
10.000 kr
Fjárfestingarsjóður
20% umfram viðmið
1,0%
12:00
AKTAVTF IR Equity
*NOMXIBB: Nasdaq OMX Iceland Benchmark Bonds
Skráðu þig á póstlista Akta VaxtaTækifæris.
Þórhallur starfar sem sjóðstjóri skuldabréfasjóða hjá Akta. Þórhallur hefur yfir 14 ára starfsreynslu á innlendum fjármálamarkaði. Þórhallur starfaði hjá Gildi lífeyrissjóði sem sérfræðingur í eignastýringu frá árinu 2010 til 2016. Áður starfaði hann í greiningardeild Kaupþings, síðar Arion banka, við efnahagsgreiningu á árunum 2006 til 2010. Þórhallur er með B.Sc. í hagfræði frá Háskóla Íslands og hefur lokið prófi í verðbréfaviðskiptum.
Birgir starfar sem sjóðstjóri á sviði skuldabréfa- og blandaðra sjóða hjá Akta. Birgir hefur yfir 10 ára starfsreynslu á innlendum og erlendum fjármálamörkuðum. Hann starfaði áður í markaðsviðskiptum hjá Arctica Finance. Á árunum 2010-2019 starfaði Birgir sem alþjóðasérfræðingur í New York og Genf í Sviss. Þar starfaði hann fyrir vogunarsjóðina Caxton Associates og Harness Investment Group, fjárfestingarbankann Jefferies Financial Group og greiningarfyrirtækið Nightberg. Birgir er með M.A. gráðu í hagfræði frá New York University og B.Sc gráðu í hagfræði frá Háskóla Íslands. Þá hefur Birgir lokið prófi í verðbréfaviðskiptum.
Davíð starfar sem sjóðstjóri hlutabréfasjóða og blandaðra sjóða hjá Akta. Davíð hefur yfir 10 ára reynslu á innlendum og erlendum fjármálamörkuðum. Hann starfaði áður hjá PJT Partners í London í fyrirtækjaráðgjöf og fjárhagslegri endurskipulagningu fyrirtækja. Árin 2014 til 2015 starfaði Davíð í fyrirtækjaráðgjöf Straums fjárfestingabanka og í fyrirtækjaráðgjöf og greiningardeild Arion banka árin 2010 til 2013. Davíð er með B.Sc gráðu í hagfræði frá Háskóla Íslands og M.Sc. í alþjóðafjármálum frá HEC Paris. Þá hefur Davíð lokið prófi í verðbréfaviðskiptum.
Örn Þorsteinsson er framkvæmdastjóri og jafnframt sjóðstjóri hjá Akta. Hann hefur yfir 15 ára reynslu á innlendum fjármálamarkaði. Örn starfaði frá árinu 2007 til ársins 2013 fyrir fjárfestingafélagið 9.S ehf. Árið 2013 hóf hann störf hjá Straumi fjárfestingabanka, síðar Kviku banka, sem sjóðstjóri. Örn hefur lokið Cand.oecon. gráðu í viðskiptafræði frá Háskóla Íslands og hefur lokið prófi í verðbréfaviðskiptum.
Aðilar geta beint fyrirmælum um kaup eða sölu í sjóðum Akta til síns viðskiptabanka. Allar almennar fyrirspurnir um sjóði skulu berast til Akta sjóða. Athugið að gjald fyrir afgreiðslu fer eftir verðskrá viðkomandi banka.
Akta sjóðir
Sími: 585 6800
Netfang: sjodir@akta.is
Arion banki
Verðbréfaþjónusta
Sími: 444-7000
Netfang: verdbrefathjonusta@arionbanki.is
Íslandsbanki
Verðbréfaráðgjöf
Sími: 440-4000
Netfang: verdbref@islandsbanki.is
Kvika banki
Verðbréfaþjónusta
Sími: 540-3200
Netfang: sjodir@kvika.is
Landsbankinn
Verðbréfaráðgjöf
Sími: 410-4040
Netfang: vl@landsbankinn.is
