Akta Alviðra er blandaður sjóður sem fjárfestir í skuldabréfum og hlutabréfum á innlendum og erlendum fjármálamörkuðum. Sjóðurinn beitir virkri stýringu og veitir almennum fjárfestum aðgang að dreifðu eignasafni. Vægi hlutabréfa er almennt á bilinu 20-70%. Gera má ráð fyrir að yfir lengri tímabil sé vægi hlutabréfa að meðaltali 50%.
Virk stýring sjóðsins byggist á mati sjóðstjóra á alþjóðlegum og innlendum efnahagshorfum, horfum í rekstrarumhverfi fyrirtækja og verðlagningu á fjármálamörkuðum. Áhersla er lögð á stýringu á vægi hlutabréfa og skuldabréfa í eignasafni sjóðsins, meðallíftíma skuldabréfasafns og hlutfalli hreinnar gjaldeyriseignar.
Akta Alviðra hentar fjárfestum sem vilja fjárfesta í dreifðu safni af innlendum og erlendum skuldabréfum og hlutabréfum. Hentar þeim sem vilja töluverða áhættudreifingu og ávaxta fjármuni til langs tíma. Sjóðurinn er opinn öllum fjárfestum. Gengi sjóðsins getur sveiflast umtalsvert til skemmri tíma.
Gengi
Stofndagur
Rekstraraðili
Árleg umsýsluþóknun
Viðmið*
Kaup/Innlausn
ISIN
-8.9.2017
Akta sjóðir hf.
1,0%
Depo* + 1,0%
T+2
IS0000029072
Stærð (í m.kr.)**
Lágmarkskaup
Rekstrarform
Árangurstengd þóknun
Gengismunur
Viðmiðunartími
Bloomberg
1.213
10.000 kr.
Fjárfestingasjóður
15% umfram viðmið
1,0%
12:00
AKTAALV IR Equity
*Depo: Vextir á viðskiptareikningum innlánsstofnanna hjá Seðlabanka Íslands
**Miðað við 31.03.2025
Birgir starfar sem sjóðstjóri á sviði skuldabréfa- og blandaðra sjóða hjá Akta. Birgir hefur yfir 13 ára starfsreynslu á erlendum og innlendum fjármálamörkuðum. Á árunum 2010-2019 starfaði Birgir sem alþjóðasérfræðingur í New York og Genf í Sviss. Þar starfaði hann fyrir vogunarsjóðina Caxton Associates og Harness, fjárfestingarbankann Jefferies og greiningarfyrirtækið Nightberg. Birgir starfaði einnig í markaðsviðskiptum hjá Arctica Finance. Birgir er með M.A. gráðu í hagfræði frá New York University og B.Sc gráðu í hagfræði frá Háskóla Íslands. Þá hefur Birgir lokið prófi í verðbréfaviðskiptum.
Fannar Örn starfar sem sjóðstjóri innlendra skuldabréfasjóða Akta og fagfjárfestasjóðsins Akta SK1. Fannar hefur starfað á innlendum fjármálamarkaði í 7 ár. Á árunum 2017-2020 starfaði hann í skuldabréfamiðlun Kviku banka. Árin 2020-2023 starfaði Fannar í eigin viðskiptum Kviku banka með áherslu á að stýra skuldabréfasafni bankans sem viðskiptavaki. Fannar er með B.Sc. gráðu í fjármálaverkfræði frá Háskólanum í Reykjavík og hefur lokið prófi í verðbréfaviðskiptum.
Fannar starfar sem forstöðumaður sjóðstýringarsviðs og sem sjóðstjóri Akta Stokks og fagfjárfestasjóða hjá Akta. Fannar hefur yfir 12 ára starfsreynslu á innlendum fjármálamarkaði. Hann starfaði áður hjá Straumi fjárfestingabanka og síðar Kviku banka fram á mitt ár 2016 sem sjóðstjóri. Áður starfaði hann í greiningardeild Arion banka við fyrirtækjagreiningar frá 2009 til 2014. Fannar er með B.Sc. gráðu í viðskiptafræði frá Háskóla Íslands og M.Sc. í Investment Management frá Cass Business School. Þá hefur Fannar lokið prófi í verðbréfaviðskiptum.
Aðilar geta beint fyrirmælum um kaup eða sölu í sjóðum Akta til síns viðskiptabanka. Allar almennar fyrirspurnir um sjóði skulu berast til Akta sjóða. Athugið að gjald fyrir afgreiðslu fer eftir verðskrá viðkomandi banka.
Arion banki
Verðbréfaþjónusta
Sími: 444-7000
Netfang: radgjof@arionbanki.is
Íslandsbanki
Verðbréfaráðgjöf
Sími: 440-4000
Netfang: verdbref@islandsbanki.is
Kvika banki
Verðbréfaþjónusta
Sími: 540-3200
Netfang: sjodir@kvika.is
Landsbankinn
Verðbréfaráðgjöf
Sími: 410-4040
Netfang: vl@landsbankinn.is
